"Ang Pintor ng Mga Tan-awon sa Romblon," June 8, 2012

"Ang Pintor ng Mga Tan-awon sa Romblon," June 8, 2012, lyrics/melody by lolo bomboy

by Lolo Bomboy on Friday, June 8, 2012 at 11:29am ·

"Ang Pintor ng Mga Tan-awon sa Romblon"

June 8 2012, lyrics/melody ni lolo bomboy
-----
letra:

ano guid nga dako nga suerte ng mga sa Romblon
naga istar,
may baybay kag dagat sinda nga daw mahuga
makita sa iba nga lugar,
ang tubi didto hay daw kaayo guid ninda nga
languyan,
kalipay ng mga unga sa paglangoy daw inidi guid
mapaparesan....
----

kung makikita lang ini ng mga turista nga taga iba
nga lugar,
dira sa aton sa Romblon, sigurado guid nga sinda
magapasyar,
idugang pa nga ang mga tawo dira hay may maayo nga
kabubut-on,
mga turista sigurado guid nga malipay magabisita
sa aton sa Romblon....
---

ang damo nga mga tan-awon dira sa aton
sa Romblon,
ina hay mga kaayo ayo nga retrato nga
ging pinta ng isa nga Pintor,
maayo guid sa panan-aw ng mga mata ng aton
mga bisita,
bisan sa ano nga oras sang aga, sang hapon o
sang gab-i da...
----
sayod naton kung sin-o ang Pintor nga naghimo
ng ina nga mga tan-awon,
sa aton kalipay, taw-an naton Siya ning pasalamat
sa ging himo Niya para sa Romblon,
ang aton palangga kag ginahigugma nga Pintor hay
ibutang naton sa tagipusuon...
kag magdasay kita nga ang IYA ging pinta hay makita
da ng mga generasyon pa nga paaboton...
-
Georgia
June 8, 2012